Ұлыстың ұлы күні Наурыз мерекесі қарсаңында Қостанай қаласындағы N9 бөбекжай-бақшасында көптеген іс-шара ұйымдастырылды.
Мақсат-балдырғандарға әдет-ғұрып, салт-дәстүр туралы мағлұмат беру, оларды мәдени құндылықтарды дәріптеуге үйрету. Мерекелік ертеңгілікке балабақша ұжымымен қатар, ата-аналарда атсалысты. Осы мерекеге орай жоғары және орта топтарының балалары "Қош келдің, әз-Наурыз" атты ойын сауық іс-шараларын өткізді. Бұл іс-шараға арнайы қонақтап келген кіші топтар қатысты. Балалар топта ұйымдастырылған шағын ұлттық бұйымдар мұражайындағы тұрмыстық заттар мен олардың жасалу, қолданылу тарихымен танысып, қазақ халқының әдет-ғұрыпына қысқаша шолу жасады. Сонымен қатар тақия, орамал тастамақ, арқан тарту, қыз қуу ұлттық ойындарын ойнады.